مروان الصحفي يكشف سر غريب عن بدايته ويثير جدل ديربي جده
فجر اللاعب مروان الصحفي مفاجأه ماكانت عالبال، خلال ظهوره في بودكاست “كوره بريك”، لما حكى عن بدايه مسيرته الكرويه واللي كانت قريبه جدًا من الانتقال للأهلي بدل الاتحاد.
مروان حالياً يلعب فـ فريق بيرشكوت البلجيكي بنظام الإعاره من الاتحاد، ومعاه فيصل الغامدي، لكن الإداره هناك بلّغتهم إنها ماراح تمدد الإعاره للموسم الجاي.
وكيله أحمد المعلّم قال إن مروان عنده عروض قويه من انديه اوروبيه مثل اندرلخت البلجيكي وبلاكبيرن وكوينز بارك من انجلترا، وراح يحدد مصيره قريب.
المفاجأه الحقيقيه، إن مروان قال إنه أول ما بدأ كان مفروض يروح الأهلي، خصوصًا بعد ما رفضه الاتحاد في أول اختبار، وفعلاً اتقبل في الأهلي، لكن عرف بعدها إن في اختبارات جديده في الاتحاد، وراح وجرب مره ثانيه، ونجح!
وختم كلامه وهو يضحك: “وقت ديربي جده بيتنا ينقلب، فوضى وكل واحد يشجع فريق”، في اشاره لطرافه الموقف داخل العيله.
الجمهور اتحمس بعد هالتصريحات، والبعض شاف إن قصته ملهمه لأي لاعب شاب.