علقت النجمة إلهام شاهين على الفيديو المنتشر لها خلال تواجدها في مهرجان الجونة السينمائي، حيث ظهر فستانها وهو يطير على السجادة الحمراء وقالت إلهام في تصريحاتها: “أكيد طبعا بتضايق ليه التنمر ده؟ مش شيء مقصود، لا أنا نازلة لكم فستان عريان ولا حاجة ده شيء قدري، الفستان طار في الهوى وأنا أعمل إيه، وهي لحظة وأنا مسكت الفستان”.
وأضافت إلهام شاهين، مؤكدة على أنها كانت ترتدي شورت لغاية الركبة وشراب كولون تحت الفستان، قائلة: “وعلى فكرة أنا لابسة تحتيه شورت لغاية الركبة، ويقولك مش لابسة حاجة، وفوقه شراب كولون، ليه اللي صور ده وعمل تصوير بالبطئ عشان الناس تتفرج؟”.
وأوضحت غاضبة: “وعمل منه صور ليه أنت مستفيد إيه عشان خاطر التريند؟ يبقى لا عندك ضمير ولا أخلاق”.
كما انتقدت إلهام شاهين ما وصفته بالتطفل الإعلامي، قائلة: “إحنا بنعاني من الناس اللي بيقابلونا بموبايلات في الشارع، طب هنا كله صحافة محترمة، ليه الصحافة مش مستنية لنا غلطة، دي بتخلق لنا غلطة ولو عندي غلطة داري عليا”.
