أنشيلوتي يعلق مفاوضاته مع البرازيل وبيريز سبب فشل الإتفاق المؤكد
الايام الاخيره شهدت تطورات جديده وغريبه في موضوع انتقال المدرب الايطالي كارلو انشيلوتي من ريال مدريد لتدريب منتخب البرازيل، واللي كان متفق عليه يبداء في يونيو الجاي.
انشيلوتي كان حاسم وقال إنه بيغادر ريال مدريد مع نهايه الموسم، لكن فجأه رفض يوقع العقود مع الاتحاد البرازيلي، وطلب منهم ينتظروا لحد مايخلص الموسم تمام.
صحيفه آس الاسبانيه قالت إن السبب الحقيقي هو رئيس ريال مدريد فلورنتينو بيريز، اللي متمسك بخدمات انشيلوتي وعايزه يستمر مع الفريق في كاس العالم للانديه، وده ممكن يغير خطط المدرب كلها.
الاتحاد البرازيلي لسه شايف إن انشيلوتي هو الخيار الاول، ومستنيين منه رد نهائي عشان يحددوا موقفهم، خصوصاً مع اقتراب التوقف الدولي في يونيو، وعايزين مدرب جديد يمسك الفريق بسرعه.
المصادر بتأكد إن انشيلوتي هيمشي من الريال بنهاية مايو، وفي خطه إن سانتياجو سولاري يستلم المهمه فـ مونديال الاندية.
الاجتماع النهائي بين انشيلوتي والبرازيل بيكون قريب، وممكن يعدلوا بعض بنود العقد عشان يقنعوه يوقع.