أكدت الفنانة سماح أنور أنها لا تخشى التقدم في العمر، ولا تهتم بالتعليقات المرتبطة بشكلها أو مراحل حياتها، مشيرة إلى أن الإنسان هو من يقرر كيف يعيش كل مرحلة من عمره، وأن العمر ليس أزمة بل تجربة يجب الاستمتاع بها.
وقالت أنور خلال لقاء لها: “التقدم في العمر فكرة جميلة جدًا، أنا أبويا كان دايمًا بيقول: أحلى حاجة في النهاردة إنها هتخلص، وأحلى حاجة في امبارح إنه خلص، وأحلى حاجة في بكرا إنه لسه مجاش”.
وأضافت: “أنا مش بتاعة المرايا أوي، ورأي الناس فيا بالنسبة لي ملاحظة لكن مش مؤثر، كأنه لم يكن، الحلو والوحش بعديه كده وخلاص”، مشيرة إلى أن التصالح مع النفس يمنح الإنسان راحة وسلاما داخليا.
وأوضحت أن محاولة إخفاء علامات التقدم في السن قد تنقلب إلى عبء نفسي، قائلة: “لكل شخص حلاوته، مش لكل سن، واللي بيكره شكله مع التجاعيد هيعيش أسوأ مرحلة”.
واختتمت حديثها مؤكدة أن الحديث الدائم عن العمر ناتج عن صناعة قائمة على التجميل، وقالت: “السن موضوع مفتعل عشان فيه بيزنس تجميل وبوتوكس، لكن الفلاحة اللي قاعدة في الغيط عايشة ومبسوطة، أنا البني آدم ده”.
