رامي صبري يوضح حقيقة خلافه مع ويجز: “بحبه ومعنديش مشكلة معاه”
أكد الفنان رامي صبري أنه لا يحمل أي ضغينة تجاه مؤدي الراب ويجز، رغم التوتر الذي حدث بينهما مؤخراً، مشيراً إلى أنه يقدّر فن ويجز ويحترمه.
وقال رامي صبري، خلال لقائه مع برنامج “عرب وود”، إنه لم يكن يقصد الإساءة عندما صرّح بعدم فهمه لبعض كلمات أغاني ويجز، مؤكداً: “أنا بحبه والله، معنديش مشكلة معاه، وبحب فنه، وقلت كده أكتر من مرة”.
وأضاف: “هو فنان وبيعمل مزيكا حلوة فعلاً، بس يمكن حد سخنه شوية عشان كده اتضايق، وأنا فاهم إنه لسه صغير ومعندوش خبرة الرد، بس فعلاً مفيش حاجة بينا”.
وكانت الأزمة قد بدأت عندما انتقد ويجز تصريحات رامي صبري في برنامج “حبر سري”، حيث قال الأخير: “ويجز زعلان مني، مع إني قلت إنه مجتهد وبيعمل مزيكا حلوة، بس الحقيقة إني مش بفهم كلامه أوي”.
ورد ويجز عبر خاصية القصص القصيرة على Instagram، قائلاً: “فيه فنان اسمه رامي، كل 5 شهور يطلع يتكلم على بتوع الراب والهيب هوب، طيب ليه مش بتتكلم عن البوب اللي هو مجالك؟”
وفي ختام حديثه، شدد رامي صبري على موقفه الداعم لأي فنان يقدم موسيقى مختلفة، قائلاً: “أنا دايماً بقول أي حد من حقه يعمل أي حاجة طالما مش بيأذي حد”، مؤكداً أن الخلاف انتهى بالنسبة له ولا يحمل أي مشاعر سلبية تجاه ويجز.